MUA

Book完酒席之後, 隨即就上網尋找我的MUA, 等我當日可以"變靚D" ^^!

最多jm談及的, 來來去去也都是 Sum Sum... Sandy Wong... Sum Sum... Sandy Wong... 不過她們反而並不是我最喜愛的.

我不要那些大眼妝, 或是那些把頭髮set得複雜就叫靚的MUA. 清雅, 高貴, 就是我想要的, 經過上網一番取經, 下面便是我準MUA了~ (排名不分先後)

1) J's Beauty - Joey Chim
2) Born to be - Pat
3) May Chong
4) Fiona Fi
5) Kiko
6) Yuen Ting
7) Sum Sum
8) Sandy Wong
9) Hoolala - Joe Yuan
10) Hoolala - Chole Ng
11) Co Co Wong
12) Yen Ho

之後又再睇來睇去... 睇來睇去... 結果就只係聯絡左下面呢幾位MUA, 大家睇下我的小小comments啦~

Joe Chim
- 去了試妝, 化妝清雅得來又不會覺得淡, 是有style的, 第一個頭set得合乎我想要的, 但第二個就有點"拿西"

Pat
- 去了試妝, 呢個簡直氣死我, 黑店! 沒有氣再提!

May Chong
- 我已經算早去揾MUA, 不過都道然有jm快過我, 佢已有booking了

Fiona Fi
- 有jm pencil-mark左佢, 不過未confirm, 試妝都要等一個月, 睇黎很受歡迎, 奉勸大家想book佢, 要早一點了

Kiko
- 傳聞話佢比較cool, M先生話, 個日要對住個MUA成日, 都係揾一個比較nice的好D

Yuen Ting
- 單看網上的相, 相信我是不會將她例入我的list中的, 不過半年前有幸做好友的jm, 其中一個jm就是請她化妝的, 妝化得好, 頭髮都也簡單而隆重, 唔錯, 不過就唔知化新娘得唔得了

Sum Sum
- 睇黎超busy, 同多生意過頭, 打過幾次俾佢, 都冇人接聽. 沒有所謂, 反正不是非她不可

Joe Yuan
- 好想, 但太貴了吧!

Co Co Wong
- 網上揾不到reference...

我揀左邊個? Joey呀, 因為她快手, 到結婚那天, 唔快點得呀? 價錢尚算合理, 看得出很熟練, 大概問幾問就知我想要D乜. 好野, 又complete左一個task!

18 May 2012加的文字:

Hihihihihiiiiiiii... 雖然我現在已為人婦 (>< 好老土的用字!!!), 但一有甚麼情報, 我當然會跟你分享^^

如果你有看我最近post的婚後評分, 就知道我對Joey的評分了... 最近呢, 做了兩次姊妹, 發現其中一位新娘朋友找來Ami Ng為她化新娘妝, 化得很好呀!! 化伴娘妝又很獨特, 而且最最最重要的, 是Ami很貼心, 常常守在新娘的旁邊, 人也很親切, 是很親切很親切的那一種, 一點也不假. 還有呀, 之後我打電話請她幫我化姊妹妝 (今年要做數次姊妹^^), 問她可不可以收$xxx(她收我另一個朋友的價錢), 她一口就答應了, 實在很爽快, 其實做mua就應該是這樣嘛, 此終我有機會再找她化妝, 又會請她幫忙化其他幾位姊妹的妝, 又會介紹她給朋友嘛... 但Ami化新娘妝的收費不平宜呀, 自己上網查查看!

還有呢, 另外有一位新娘朋友請來Sylvia Tsui幫我們化姊妹妝, 哇, Sylvia把我的眼化得好精神呀, 頭髮呢, 還不錯呀. 我見她挺熟手似的, 所以問她有沒有接新娘妝, 她說有呀, 當然我不能考證, 但化姊妹妝完全沒有問題^^ (告訴你呀, 有些所謂化姊妹妝的mua, 真的可以化得很糟的, 一出門就散了, 眼睛跟沒有化的沒有分別, 化得又慢... 結果那一天我好不開心...) 如果你也要找化姊妹妝的mua, 可以試一試這個呀! 報先完畢, 噗!

場地

"衣紙婆"算出的好日子只有一天, 我和M先生還敢不乖乖地馬上去選擇我們的飲宴場地嗎?

我這個"司奶仔"想也不想就選擇放棄酒店, 下面是我的酒樓心水:-

*****
iSquare 利寶閣
MegaBox 御苑皇宴

****
MegaBox 利寶閣
紅磡 天澄閣

***
新世紀 翠園
新世紀 鴻星
利舞臺 彩福皇宴

**
觀塘 鴻星
時代廣場 鴻星

iSquare利寶閣簡直是我心目中的結婚場地 - 簡約, 清雅, 又不失高貴, 雖知我和M先生一個新界, 一個港島, 尖沙咀直頭就是一個好地段, 加上它連接地鐵, 鄰近彌敦道, 而且是新落成, 新娘房大到有點誇張 (莫非是用來開幾圍麻雀給姊妹玩幾手??) 不過經理一句: 對不起, 下年年尾的週末基本上都full了... 我只想到一句: 吓?! 所以我勸各位準備結婚的姊妹, 如果想揾心水場地, 早好還是兩年前book定酒席好, 唉... 無耐...

MegaBox御苑皇宴的裝修設計和iSquare利寶閣是同一類型, 要是喜歡iSquare利寶閣, 相信也會喜歡MegaBox御苑皇宴, 可是MegaBox並不方便, 相信大家的親朋戚友中, 總有一些深山野人不懂得去MegaBox, 這重要日子, 博不過.

MegaBox利寶閣裝修也不錯, 可惜地方太細了, 要舒舒服服, 看來只可擺二十圍.

天澄閣格硬也可稱得上酒店, 可惜一早已full了...

新世紀翠園是新開業的酒樓, 裝修不如其他翠園一樣差和舊, 不過經理超級串, 句句將"非"說成"是", 打橫黎講, 而且價錢沒有商量, 我可以說, 美心根本沒有意思接婚宴的! 這是一間令我頭上冒煙的酒樓.

新世紀鴻星中規中舉, 而且價錢最合理, 若果預算不太多, 又未至於要cheap擺酒的, 絶是一個好選擇, 加上招乎非常好, 不覺得一點商業, 態度誠懇, 與隔鄰的翠園是一個相反.

利舞臺彩福的裝修不是我這個掩尖人的口味, 而且要注意, 雖然它聲稱可以擺到27, 30圍, 看似樓底高, 不過它左右兩旁的樓底是相當矮, 而且可能看不到禮堂的, 所以圍數多便不適合了.

觀塘鴻星裝修, 若果樓底高, 應該是可以的(不過它不是呢...), 但勝在最新, 剛開業, 不過M先生母親反對...

時代廣場鴻星交通方便, 可惜比較舊, 而且對於新界人來說, 是遠了一點.

除了以上, 還看了其他場地, 揀酒樓也真頗花時間和氣力的...

我結果訂了哪一間? 答案是時代廣場鴻星, 原因係: 選擇權在M先生的母親大人上... 可憐的我, 嗚...